हरीश डोंबाळे यांची सावित्रीबाई फुले पुणे विद्यापीठ संघामध्ये निवड

 '

उदगीर प्रतिनिधी
निडेबन जिल्हा परिषद गटातील अधिकृत उमेदवार डॉ. दीपक सोमवंशी व पंचायत समिती गणातील उमेदवार सुनिता राठोड यांनी आपल्या प्रचाराचा शुभारंभ कौळखेड येथे ग्रामदैवताचे दर्शन घेऊन केला. प्रचाराच्या  दिवशी गावातील नागरिकांनी मोठ्या संख्येने उपस्थित राहत उमेदवारांना भरघोस पाठिंबा दिला, त्यामुळे या प्रचाराला उत्साहाचे वातावरण लाभले आहे.ग्रामदैवताचे दर्शन घेऊन प्रचाराची सुरुवात करणे ही गावातील परंपरा असून, त्यानुसार डॉ. दीपक सोमवंशी व सुनिता राठोड यांनी सर्वप्रथम देवीसमोर नतमस्तक होत गावाच्या विकासासाठी आशीर्वाद मागितले. त्यानंतर गावात प्रचारफेरी काढण्यात आली. या फेरीदरम्यान उमेदवारांनी नागरिकांशी थेट संवाद साधत आपल्या विकासात्मक भूमिकेची माहिती दिली. आरोग्य, शिक्षण, पाणीपुरवठा, रस्ते, रोजगार व महिला सक्षमीकरण या मुद्द्यांवर त्यांनी विशेष भर दिला.
गावातील नागरिकांनी देखील या प्रचाराला सकारात्मक प्रतिसाद दिला. “विकासाची स्पष्ट दिशा आणि सर्वसामान्यांशी थेट संवाद साधणारे नेतृत्व हवे आहे,” अशी भावना अनेक नागरिकांनी व्यक्त केली. त्यामुळे या प्रचारात केवळ राजकीय नव्हे तर सामाजिक सहभागही मोठ्या प्रमाणावर दिसून आला.या प्रसंगी गावातील सरपंच देवीदास राठोड, रवि पाटील, किशोर पाटील, ग्रामपंचायत सदस्य रमेश हुंगे, सुरेश हुंगे, बाळासाहेब राठोड, शिवाजी राठोड, शेशाबाई राठोड यांच्यासह अनेक ज्येष्ठ कार्यकर्ते, युवक व महिला मोठ्या संख्येने उपस्थित होते. तसेच माजी सरपंच सुनिल सोमवंशी, राष्ट्रवादीचे युवा नेते अविनाश गायकवाड यांच्यासह विविध सामाजिक कार्यकर्त्यांनी उपस्थित राहून उमेदवारांना शुभेच्छा दिल्या.एकूणच कौळखेड येथील प्रचाराच्या सुरुवातीने डॉ. दीपक सोमवंशी व सुनिता राठोड यांच्या निवडणूक मोहिमेला मजबूत प्रारंभ मिळाल्याचे चित्र स्पष्टपणे दिसून येत आहे